Գերմանիայում բնակարանում գտել են հինգ երեխաների մարմիններ
ՀԱՍԱՐԱԿՈՒԹՅՈՒՆԳերմանիայի Զոլինգեն քաղաքի բնակելի շենքի բնակարանում ոստիկանները գտել են հինգ երեխաների մարմիններ։ Այս մասին հաղորդել է գերմանական Rheinische Post թերթը։
Արտակարգ դեպքի վայրում հայտնաբերել են 18 ամսականից մինչև 8 տարեկան երեք աղջիկների և երկու տղաների մարմիններ։ Անչափահասների մահվան պատճառը դեռևս չի բացահայտվել։ Հայտնի է, որ այդ ընտանիքում կա նաև 6-րդ երեխան՝ 11-ամյա տղան, ով ապրում է իր 27-ամյա մոր հարազատների հետ։
Հարևանուհին ասել է, որ առավոտյան բնակարանից բարձր երաժշտության ձայներ է լսել։ Ընտանիքի մասին կինը քիչ բան գիտի, քանի որ վերջերս է ծանոթացել նրանց հետ։
Ենթադրվում է, որ մայրն է սպանել երեխաներին, ինչից հետո ցանկացել է ինքնասպանություն գործել Դյուսսելդորֆի գլխավոր երկաթուղային կայարանում։ Նա հոսպիտալացվել է բազմաթիվ տրավմաներով։
Շրջանի ոստիկանության պետը միջադեպը որակել է որպես «բացարձակապես սարսափելի» դեպք, իսկ Զոլինգենի քաղաքապետը՝ իրադարձությունների հետ կապված, ժամանակավորապես դադարեցրել է նախընտրական արշավը։
Նյութը հրապարակման պատրաստեց Լիլիթ Ամիրաղյանը: