Գերմանիայի ռազմական բժիշկները Նավալնիի օրգանիզմում հայտնաբերել են «Նովիչոկ» թունանյութի հետքեր
ՄԻՋԱԶԳԱՅԻՆԳերմանիայի ռազմական բժիշկները Նավալնու օրգանիզմում «Նովիչոկ» խմբի նյութ են հայտնաբերել: Ռուսաստանը, սակայն, պնդում է, որ թունավորման մասին ոչ մի ապացույց չի ստացել: Այս մասին lenta.Ru կայքին հաղորդել է լրագրող Եկատերինա Պերվիշևան իր «В Германии заявили о следах «Новичка» в организме Навального» հոդվածում:
«Այն, որ Ալեքսեյ Նավալնին Ռուսաստանում դարձել է նյարդա-կաթվածային ազդեցությամբ քիմիական թունանյութի զոհ, ապշեցնում է: Դաշնային կառավարությունը խստորեն դատապարտում է հարձակումը»,- ասվել է հայտարարության մեջ:
Գերմանիայի արտգործ նախարար Հեիկո Մաասը ռուսական իշխանությանը կոչ է արել գտնել և պատժել թունավորման պատասխանատուներին:
Գերմանիան մտադրված է դեպքի մասին տեղեկացնել ԵՄ-ի և ՆԱՏՕ-ի գործընկերներին, որից հետո նրանց հետ միասին ընդհանուր ռեակցիա մշակել: Պատժամիջոցների կիրառման որոշումը կախված կլինի Ռուսաստանի ռեակցիայից:
Անգելա Մերկելը Հայտարարել է, որ ռազմական թունագետների հետազոտությունների արդյունքները կասկածներ չեն հարուցում. ռուս ընդդիմադիրն իսկապես թունավորվել է «Նովիչոկ» խմբին պատկանող թունանյութով: Կանցլերը գտնում է, որ Նավալնիին ցանկացել են «լռեցնել», ուստի նա կատարվածը գնահատում է որպես մահափորձ:
ԱՄՆ-ն և Մեծ Բրիտանիան աջակցում են Գերմանիային՝ պատժել մեղավորներին:
Ռուսաստանի ԱԳՆ-ն նշել է, որ ռուս ընդդիմադրի «թունավորման» մասին հայտարարությունները փաստերով չեն հաստատվում: Ռուսաստանի մոտ տպավորություն է ստեղծվում, որ գերմանացի բժիշկներին արգելվում է շփվել ռուս գործընկերների հետ, քանի որ վերջիններս Նավալնիի վիճակի վերաբերյալ տվյալներ չեն ստացել:
«Եթե իրական նպատակը հանդիսանում է բժշկական կազմակերպությունների մասնակցությամբ՝ իրավապահ մարմինների կողմից հանգամանալից հետաքննությունը, որը մենք պնդում ենք, ապա մեր գործընկերներին կոչ ենք անում լիարժեք համագործակցել և տեղեկատվություն փոխանակել՝ գործի դնելով առկա երկկողմ իրավական մեխանիզմները», - ընդգծել է ԱԳՆ-ն:
Փորձագետ Լեոնիդ Ռինկը գերմանական կողմի հայտարարությունների վերաբերյալ նշել է, որ ախտանշանները բոլորովին նման չեն «Նովիչոկ»-ով թունավորման ախտանշաններին: Նա գտնում է, որ Նավալնու մոտ ոչ թե թունավորում է, այլ՝ ենթաստամոքսային գեղձի բորբոքում: Փորձագետը նշել է, որ «Նովիչոկ»-ի կիրառումը կհանգեցներ մահվան, և ոչ՝ կոմայի: Ռուս բժիշկներն արդեն իսկ հետազոտել են Նավալնիին և թունավորման ոչ մի հետք չեն հայտնաբերել: Ռինկը վստահ է, որ Գերմանիան օբյեկտիվ ապացույցներ չի ներկայացնի Ռուսաստանին, իսկ կատարվածը «Նովիչոկ»-ով թունավորման հետ կապելու փորձերը նա որակում է որպես «քաղաքական անհեթեթություն»:
Գերմանիայի «Շարիտե» հիվանդանոցի սեպտեմբերի 2-ի տվյալների համաձայն՝ ռուս ընդդիմադիրը վերակենդանացման բաժանմունքում է՝ թոքերի արհեստական օդափոխության (ИВЛ) պայմաններում: Բժիշկները նշում են, որ Նավալնու վիճակը դեռ ծանր է, բայց կա դրական տեղաշարժ. թունավորման ախտանշանները նվազում են:
Նյութը հրապարակման պատրաստեց Լիլիթ Ամիրաղյանը
www.1or.am