Ազգային ժողովը վավերացրեց կոռուպցիայի հակազդման մասին համաձայնագիրը
ԱՄԵՆԱԸՆԹԵՐՑՎԱԾՄինչ նիստի մեկնարկը քվեարկության դրվեցին նախորդ օրը քննարկված մի շարք օրենսդրական նախաձեռնություններ:
Առաջին ընթերցմամբ միաձայն հավանության արժանացան ՀՀ քաղաքացիական օրենսգրքում, ՀՀ Դատական հարկադիր կատարման օրենքում փոփոխություններ և լրացումներ կատարելու մասին նախագծերի փաթեթները, որոնց կողմ քվեարկեց 99 պատգամավոր: Դեմ և ձեռնպահ քվեարկողներ չեղան:
Հավանության արժանացավ նաև նոյեմբերի 20-ին Աբու-Դաբիում Հայաստանի և Արաբական Էմիրությունների կառավարությունների միջև ստորագրված համապատասխան օդային տարածքների մասին համաձայնագիրը վավերացնելու մասին հարցը, որը ներկայացվել էր ՀՀ Նախագահ Սերժ Սարգսյանի կողմից:
Նախագծին կողմ քվեարկեց 102 պատգամավոր:
Հավանության արժանացավ նաև ՀՀ Նախագահի կողմից ներկայացված՝ Կոռուպցիայի հակազդման մասին համաձայնագիրը, որը ստորագրվել էր Մինսկում: Նախագծին կողմ քվեարկեց 94 պատգամավոր: