Ռուսաստանը Լեռնային Ղարաբաղի պատերազմից ստացավ մաքսիմալ պրեֆերանցիաներ՝ առավելություններ, բայց պարտվեց մարտավարական տեսակետից. ռազմական փորձագետ
ՔԱՂԱՔԱԿԱՆՈՒԹՅՈՒՆreplyua.net-ը գրում է, որ «Գլավրեդ» հրատարակության կազմակերպած զրույցի ժամանակ ռազմական փորձագետ Օլեգ Ժդանովը նշել է, որ Ռուսաստանի Դաշնությունը կարողացավ առավելագույն պրեֆերանցիաներ՝ առավելություններ քաղել Լեռնային Ղարաբաղի պատերազմից: Միևնույն ժամանակ, ռազմական փորձագետը շեշտել է, որ այս դեպքում պետք է խոսել միայն Ռուսաստանի Դաշնության տակտիկական օգուտների մասին: Այո, ներկայումս Կրեմլի համար հեշտ կլինի կոտրված ու թուլացած Հայաստանին մանիպուլացնել, և առաջին բանը, որ կարվի, այն է, որ Փաշինյանը ստիպված լինի հրաժարական տալ, իսկ նրա փոխարեն կնշանակվի ռուսամետ կառավարության ղեկավար: Բացի այդ, Ռուսաստանը նախատեսում է ռազմաբազա ստեղծել Ղարաբաղում, բացի արդեն Գյումրիում գտնվող ռազմաբազայից:
Այնուամենայնիվ, ռազմավարական առումով Ռուսաստանը հստակորեն պարտվել է: Ի վերջո, Երկրորդ համաշխարհային պատերազմից հետո Թուրքիան առաջին անգամ կարողացավ ոչ միայն մտնել Հարավային Կովկաս, այլ նաև հասնել Ռուսաստանի հետ Ադրբեջանի սահմանին և ելք ստանալ Կասպից ծով: Այժմ թուրքերը կարող են գազատար կառուցել և «կապույտ վառելիք» ստանալ անմիջապես Թուրքմենստանից: Թուրքիան Մերձավոր Արևելքում գազային հանգույց դարձնելու Թուրքիայի ղեկավարության ծրագրերը հայտնի են վաղուց, և այժմ դրա իրականացման իրական հեռանկարներ են առաջացել:
Նյութը հրապարակման պատրաստեց Կամո Խաչիկյանը