Ադրբեջանը չի կարող մասնակցել ԵԱՏՄ նիստերին, եթե Հայաստանը վետո կիրառի
ՔԱՂԱՔԱԿԱՆՈՒԹՅՈՒՆԱՄՆ պետքարտուղարի քաղաքական հարցերով տեղակալ Վիկտորիա Նուլանդը հայտարարել է, որ պետք է վստահ լինենք, որ պահպանվում են Հայաստանի տարածքային ամբողջականությունն ու ինքնիշխանությունը: Եվ ԱՄՆ-ն պետք է շարունակի ճնշումը Թուրքիայի վրա և պահպանի նույն դիրքորոշումը Սիրիայի, Լիբիայի և Լեռնային Ղարաբաղի հարցում:
Այս թեմայով 1or.am կայքը զրուցել է միջազգային իրավունքի մասնագետ Սուրեն Սարգսյանի հետ։
—Պարոն Սարգսյան, ինչպե՞ս եք գնահատում այս ակտիվացումը:
— Այս պահին որոշ լարվածություն կա թուրք-ամերիկյան հարցերում, բայց ամեն դեպքում ԱՄՆ պետքարտուղարի քաղաքական հարցերով տեղակալ Վիկտորիա Նուլանդը Թուրքիային գնահատում է որպես դաշնակից և այդ նույն լսումների ժամանակ այդ մասին խոսել էր։ Այնպես որ, որքան էլ լարվածություն կա ԱՄՆ-ն Թուրքիային գնահատում է որպես դաշնակից և այդ լարվածությունը կանցնի, իսկ երկրների միջև այդ դաշնակցությունը կպահպանվի։ Եվ ես կարծում եմ, որ ամբողջ իրականությունը սա է։
—Ռուս քաղաքագետ Դուգինը ասում է, որ Մոսկվան կատարեց իր խոստումը` օգնեց Ադրբեջանին վերադարձնել Ղարաբաղը. հերթը Բաքվինն է՝ միանալ ՀԱՊԿ-ին ու ԵԱՏՄ-ին: Մյուս կողմից՝ այսօր ԵԱՏՄ երկրները քննարկել են Ադրբեջանի պատվիրակության հնարավոր մասնակցությունը ԵԱՏՄ միջկառավարական խորհրդի նիստին: Ինչպե՞ս եք գնահատում:
— Այստեղ ամեն ինչ կախված է Հայաստանի դիրքորոշումից, որովհետև եթե վետոի իրավունք է կիրառվում, ապա վետոի կիրառման պարագայում Ադրբեջանը չի կարող որևէ կարգավիճակով մասնակցություն ունենալ ԵԱՏՄ նիստերին, ընդորում, նաև միջկառավարական նիստերին և եթե Հայաստանը վետո չի կիրառում, սա արդեն այլ պատմություն է։ Այս պահին որոշիչ քայլը Հայաստանինն է և տեսնենք, թե ինչ քաղաքական որոշում կկիրառեն ՀՀ քաղաքացիները։
—Այս ուղղությամբ Հայաստանը պե՞տք է կոնկրետ քայլեր ձեռնարկի:
— Այո, միանշանակ կոնկրետ քայլեր պետք է ձեռնարկվեն։
Սոնա Գիշյան