Սադրանք դատախազության մոտ. ոստիկանների մոտից շշեր են նետվել ցուցարարների ուղղությամբ
ՔԱՂԱՔԱԿԱՆՈՒԹՅՈՒՆԴատախազության մոտ եղել են սադրիչներ,-«Փաստինֆո»-ի հարցին ի պատասխան հայտարարել է դաշնակցական գործիչ Արթուր Խաչատրյանը՝ նշելով, որ հորդորել են հանդարտություն պահպանվի և բախում տեղի չունենա, քանի որ սադրիչները շատ են։
Ինչպես սկսվեց բախումը՝ հարցին ի պատասխան նա նշել է, որ չգիտի, թե ինչպես են սկսվել բախումները, բայց նկատել է ոստիկանների մոտից նետվող առարկաները։
«Ես տեսա, որ ոստիկանության կողմից շշեր են նետվել: Ակցիայի ընթացքում մենք պահանջում էինք դատախազի հետ հանդիպում, որպեսզի նա իջնի և բացատրի, թե ինչ հիմքով են մարդիկ ձերբակալվել և ինչու են իրենք կատարում վարչապետի ապօրինի հրահանգները: Մենք հիմա այստեղ ենք, և կանենք ամեն ինչ, որ թույլ չտանք, որ սադրանքը կրկնվի»,- նշեց Խաչատրյանը: