Ես կասկած չունեմ, որ ընտրությունները կկայանան
ՔԱՂԱՔԱԿԱՆՈՒԹՅՈՒՆՀայաստանի վարչապետ Նիկոլ Փաշինյանը հրաժարական է ներկայացրել արտահերթ ընտրություններ անցկացնելու համար: Փաշինյանը հայտարարել է, որ Հայաստանի Հանրապետության գործող Սահմանադրությամբ արտահերթ խորհրդարանական ընտրությունների անցկացումը հնարավոր կլինի միայն այն պարագայում, երբ վարչապետը հրաժարական տա և խորհրդարանը երկու անգամ վարչապետ չընտրի:
Այս թեմայով զրուցել ենք քաղաքագետ Հայկ Սուքիասյանի հետ։
Հարցին, թե արդյոք խորհրդարանական ընդդիմությունը իր խոսքը կպահի, քաղաքագետն ասաց, որ կարծում է կպահի․ «Ես կասկած չունեմ, որ ընտրությունները կկայանան։ Խնդիրները խորհրդարանում չլուծելու համար խորհրդարանական երեք ուժերի միջև եղել է նախնական պայմանավորվածություն ու, օրինակ՝ ԼՀԿ-ն էլ հայտարարել է, որ ինքը հավատարիմ է մնում ձեռքբերված պայմանավորվածություններին։ Եթե ԼՀԿ-ն և ԲՀԿ-ն ետ կանգնեն պայմանավորվածություններից, ապա վստահ եմ՝ կարժանանան հասարակական մեծ պարսավանքի և հնարավոր է՝ իրենք այդ քայլով իրենց քաղաքական կարիերայի վրա մեծ տապանաքար դնեն, ուստի, կարծում եմ՝ նրանք ունեն բավարար իմաստնություն նման քայլի չգնալու համար»։
Սոնա Գիշյան