«Единая Россия» կուսակցության պատվիրակությունը կժամանի Հայաստան
ՔԱՂԱՔԱԿԱՆՈՒԹՅՈՒՆՈրոշ ժամանակ առաջ 1or.am կայքը տեղեկություն էր հրապարակել այն մասին, որ Ռուսաստանում գործող «Единая Россия» կուսակցությունը «Հայաստան» դաշինքի ղեկավար Ռոբերտ Քոչարյանին հրավիրել է Մոսկվա, որ համագործակցություն սկսեն, սակայն Հայաստանի դատարանները թույլ չեն տվել Ռոբերտ Քոչարյանին գնալ Մոսկվա, հավանաբար վախենում են Քոչարյանի PR-ից, քանի որ Ռոբերտ Քոչարյանը կարող է դառնալ Ռուսաստանի «Единая Россия» կուսակցության գլխավոր գործընկերներից մեկը։
Մեր տեղեկություններով՝ այս պահին էլ խոսակցություններ են գնում այն մասին, որ «Единая Россия» կուսակցության պատվիրակությունն է պատրաստվում ժամանել Հայաստան, այստեղ հանդիպել Ռոբերտ Քոչարյանի հետ և ստորագրել «Հայաստան» դաշինքի և «Единая Россия» կուսակցության միջև պայմանագիրը։ Այս դեպքում ո՛չ դատական համակարգը, ո՛չ էլ երկրի վարչապետը որևէ կերպ չեն կարող խանգարել այդ պայմանագրի ստորագրմանը:
Սոնա Գիշյան