Հող տվողը այս երկրում հանգիստ չի ապրելու. Նարեկ Սամսոնյան
ՔԱՂԱՔԱԿԱՆՈՒԹՅՈՒՆՄենք թույլ չենք տալու, որ Նիկոլ Փաշինյանը հանգիստ ապրի, անգամ եթե բոլորիս սպանի, միևնույն է՝ հանգիստ չի ապրելու: Այս մասին Tert.am-ի հետ զրույցում ասաց «Քաղաքացիական գիտակցություն» ՀԿ-ի նախագահ Նարեկ Սամսոնյանը:
«Հող տվողը այս երկրում հանգիստ չի ապրելու, ուզում է բոլորիս սպանի, հող տվողը և այդքան երեխայի արյան տակ մտած մարդը հանգիստ չի ունենալու, նա պետք է Երևանի քրեակատարողական հիմնարկի խցում հայտնվի, միակ փրկությունը դա է»,- ասաց Սամսոնյանը:
Նա իր խոսքում նշեց՝ Փաշինյանի նախորդ բոլոր մարզային այցելությունները բեմադրված էին, և եթե կան մարդիկ, որոնք կասկածում էին, թող նայեն այսօրվա Սյունիքի այցը:
«Իր աջակիցները նրան խաբում են և կեղծ տվյալներ են տալիս: Նա այսօր Սյունիքում էլ փորձեց առաջ տանել իր պնդաճակատությունը և հանդիպեց Սյունյաց ողջույնին: Սյունեցիները լավ օրինակ հանդիսացան, նա այլևս ունի հայհոյախառն մականուն և այլևս Հայաստանում նրան տեսնողները պետք է այդպես դիմեն»,- նշեց նա:
Հիշեցնենք՝ ընդդիմադիր ուժերը և բազմաթիվ քաղաքացիներ շրջափակել են կառավարական առանձնատան մուտքերը, վիճակը շարունակում է լարված մնալ: