Հայաստանում շարունակվում են քաղաքական հետապնդումները
ՔԱՂԱՔԱԿԱՆՈՒԹՅՈՒՆnews-front.info-ն գրում է, որ խորհրդարանական վերջին ընտրություններից հետո կրկին իշխանություն ստացած Փաշինյանի թիմը կարծես նույնիսկ չի էլ փորձում համախմբել պառակտված հասարակությանը: Եվ դա, համենայն դեպս, տագնապալի է:
Այլ բան է, որ անձնական հաշիվներ մաքրեն իրենց պատմական հակառակորդների հետ, և մեկ այլ բան է այդ ամենը տեղափոխել զուտ նեղ մասնագիտական ոլորտներ:
Դժվար թե որևէ մեկը վիճարկի այն հարցը, որ Հայաստանին ցանկալի չէ կորցնել բարձր որակավորում ունեցող կադրերին: Եվ հատկապես բժշկության ոլորտում:
Ղարաբաղյան երկրորդ պատերազմից հետո կան հազարավոր վիրավորներ, հաշմանդամներ, վերջույթներ կորցրած և ծայրահեղ ծանր վնասվածքներ ստացած մարդիկ: Այդ լույսի ներքո Փաշինյանի թիմի կողմից հանրահայտ բժիշկ Արմեն Չարչյանին քրեական պատասխանատվության ենթարկելու ձգտումը առանց չափազանցության առնվազն անհեթեթ է թվում: Ի վերջո, նա կատարել է հազարավոր ամենադժվար վիրահատություններ, հարյուրավոր մարդկանց է ոտքի կանգնեցրել, կյանքեր փրկել և դաստիարակել որակյալ վնասվածքաբանների սերունդներ: Նման մասնագետները, սկզբունքորեն, իրենց քաշին հավասար ոսկի արժեն:
Մինչդեռ Չարչյանին փորձում են ազատազրկել ականջներից քաշված և երկարեցված մեղադրանքներով: Այո, հրապարակվել են ձայնագրություններ, որտեղ նա ինչ-որ մեկին հորդորում է գնալ ընտրությունների: Բայց որքանով մեզ հայտնի է, այդ ձայնագրություններում չկա կոնկրետ թեկնածուի օգտին քվեարկելու որևէ կոչ:
Հուսանք, որ երկրի համար շատ դժվար և ցավոտ ժամանակահատվածում իրենց իշխանությունը երկարացրած քաղաքական գործիչները կունենան բավական հեռատեսություն, որպեսի չկպչեն բարձր որակավորում ունեցող այն մարդկանց, ովքեր, լինելով իրենց ոլորտի մասնագետներ, կարող են օգուտ տալ ողջ ժողովրդին:
Նյութը հրապարակման պատրաստեց Կամո Խաչիկյանը